Жер басып жүрген жұмыр басты пенденің бәрінде бір-бір проблема, бір-бір күрделі мәселе, аяққа оралған кедергі бар. Мен соны жеңдім. Данышпандығымнан, ақылымның асқандығынан емес. Мені жаратқан Алла сізді де жаратты. Адамзатқа тән ақыл-ес, сезім- түйсік берді.
Айырмашылығым – менің психологияны ертерек оқығанымда, бәлкім оқығанымды көңіліме берік тоқығанымда шығар. Қазір өмірім 180 градусқа өзгерді. Ұйқым тыныш.
Өзімді де өзгені де жақсы көремін. Тіпті барлық адамды жақсы көруді үйрендім.
Дәл бүгінгідей өмір сүру өзіме ұнайды.
Ендеше сіз де өзгеріңіз. Өзгеруге дәл қазірден кірісіңіз. Жаныңыз жалғыздықты сезінсе, мен қасыңыздан табыламын. Қиналсаңыз, кітаптың кез келген бетін ашып қараңыз, сұрағыңызға жауап таппауыңыз мүмкін, бірақ соған апаратын белгі алдыңыздан шығарына сөз беремін.